早排整咗芒果糯米糍今次就整花生,原來看似簡單的花生糯米糍準
備工夫卻不少,先要把花生、芝麻、椰絲炒香,然後將花生去衣壓碎
等等…真係唔簡單!
最近見芹菜做的太陽菠蘿蛋糕好靚好吸引,於是就去買齊材料回家
開工,果然冇令人失望,蛋糕好香檸檬味而且仲好鬆軟非常好食!
之前多數都係整厚批今次試吓整薄批,個批邊好脆囝囝非常喜歡
但老公就話都係鍾意厚批,佢話厚批飽肚啲喎,但我厚薄批用嘅份
量都係一樣,點解厚批會飽肚啲呢?
清明節就快到了,孝子賢孫們又要準備各色各樣的祭品去拜祭祖
先,除了燒肉、雞、生果等…我還整幾個發糕去,因為發糕容易整
又好意頭嘛!
滑溜溜的腸粉幾時都咁受歡迎,囝囝話食極都唔厭,趁星期日又整
俾佢食,點知佢食完問我仲有冇呀?
薯條大多數都要油炸,在家裏炸幾條薯條不但麻煩而且浪費食油,
但今日這個薯條只需用焗爐便可以把薯條焗到外脆內軟,非常方
便快捷!
平時好少買三文魚頭回來煮,因為我都好怕腥,但早幾日見到翠兒的
炆三文魚頭整得好靚而且話唔腥,立即走去百佳買了一個回來炆,果
然好味又唔腥而且價錢平,多謝你呀翠兒!
老公早幾日買了幾個豆沙糯米糍回來,但我嫌豆沙太甜不好食,剛好
見到街巿有好靚的呂宋芒賣立即買了兩個回來整芒果糯米糍,細細
粒不太甜又香又軟滑,兩父子一啖一粒碟糯米糍唔見了一大半,冇得
去派街坊添!
早幾天在百佳買了一包雞槌,雞中翼就食得多但雞槌就較少食,我
把雞槌醃了三四天非常入味,原來雞槌沒雞中翼那麼肥而且有好
多肉!
冬天不喜歡整麵包,因為天氣凍影響發酵,所以冬天多數都是整蛋
糕或者不用發酵的東西,今日整這個muffin非常鬆軟好食唔難做,
各位不妨一試!
這個蛋糕是上星期囝囝生日做的,因最近有其他事忙所以沒post,
不知囝囝是否因為肚餓還是蛋糕好食,他一個人就幹掉了半個,還
說下次整大個些…
雖然過完年但個人總是懶洋洋的做什麼都提不起勁,囝囝話好想
食糖水,只好拖住懶洋洋的軀殼去整囉…
每年過年都整兩盆蘿蔔糕,今年都唔例外,雖然要好多工夫但最緊
好食就值得啦!
椰汁年糕就整得多,今年唔整椰汁整紅棗汁,味道好香好清爽而且
食落冇椰汁咁“漏”添!
終於都忙完了,搬屋真係唔簡單,睇落好似唔係好多嘢,但搬起上來就
好鬼多囉,搞到個人腰酸背痛同埋攰到不得了,好彩趕及在農曆新年
前入伙,依家休息咗幾日成個人精神番晒!
剛剛買咗新玩具…就係壓麵機喇!見啲blog友整麵整得咁靚我都唔
執輸玩埋一份,今次用咗翠兒食譜做出來的麵條非常爽滑好食,
