棗蓉核桃糕

即將踏入新一年我祝各位新年快樂!身體健康!每日都開開心心

甜甜蜜蜜!

花生鳥結糖

外國稱之為nougat,台灣同國內叫它牛軋糖,香港叫鳥結糖,澳門

叫紐結糖,其實都係同一種糖只不過譯音有些不同。

這個鳥結糖不會太軟但又不會太硬而且充滿奶香味,仲唔黐牙

添架!

傳統雞蛋糕

以前每次經過“八仙”都會買兩個雞蛋糕,非常喜歡它傳統的味道

但口感略嫌乾了一些,今日嘗試加入一點水飴來做,果然冇令人

失望組織細膩口感柔潤,一個字“正”!但有一點不完美就係買唔

到瓜子仁,只好用杏仁片來代替!

生日蛋糕

今日牛一即係又老一年啦,整咗個簡簡單單的蛋糕過了個簡簡

單單的生日!

南乳照燒雞

買咗隻冰鮮雞返來原本諗住整豉油雞,點知阿仔話不如燒雞啦

好耐冇食過了,燒雞香口啲老公同阿仔就至鍾意啦,不過一陣洗

焗爐嗰陣我就…

花生朱古力

有同事喺餅店買咗呢個花生朱古力返來食,個個都話好食但原

來都幾貴吓,四十幾蚊磅而且一磅都唔係好多咋,想食都係自己

動手,又平又好食仲好易整添!

香蔥火腿花卷

一有時間我就會整定啲中式包放喺雪櫃,方便朝早趕返工返學

時拿出來蒸番熱就食得,自家製冇添加食得安心又放心!

豆沙燒餅

今日行花園街經過“x趣餅家”就諗起豆沙燒餅,好耐冇食過了忽

然好想食添,返到屋企即刻開工,因為材料同做法都比較簡單所

以好快就有得食啦!

冬蔭功

冬蔭功湯係最為人熟悉的泰國菜之一,它香、酸、辣、鮮、甜

的味道令人一試難忘,特別在冬天的時候喝上一碗即可驅走嚴

寒全身暖笠笠!



 

唐草圖案-抹茶紅豆蛋糕卷

彩繪蛋糕看上去好似複雜難整,但其實只係多少少步驟而已,只

要掌握住做法和稍微下點工夫,就可以做出各種圖案的彩繪蛋

糕來!



蝦米腸

好耐冇整過腸粉了,趁今日放假蒸咗既簡單又易做嘅蝦米腸,自

家製乾淨衛生足料好味,仲食極都唔厭架!

洛神花果醬

依家係洛神花季節街市好多菜檔都有得賣,我最鍾意用佢嚟整

果醬夾麵包食,今次買嘅洛神花好新鮮仲有葉架!

 



芋圓西米露

最近愛上用芋圓煮糖水,除了喜歡它煙煙韌韌的口感和濃濃的

芋頭蕃薯香外,更愛它天然色彩繽紛的衣裳令人賞心悅目難以

忘懷!

韭菜生煎包

早幾日整豆沙包開咗包麵粉,剩下的今日用嚟整生煎包,一煎好

囝囝就急不及待食咗幾個,唉…好似餓咗幾餐冇食咁!

豆沙包

天氣開始涼涼地又係時候整中式包啦,一次整多啲放喺雪櫃慢

慢食方便又快捷!

糯米小蛋糕

蛋糕就食得多但用糯米粉整嘅蛋糕你又食過未呢,口感Q彈香糯

剛出爐個皮仲脆架,隔夜都唔會變硬,我一試就愛上咗啦!

蜜味燒雞翼

老公行超級巿場買咗兩盒雞翼返來,我話佢呢啲醃好晒味嘅嘢

有幾好食呀,但老公話見係秘製配方先買嚟試吓係咪真係咁好

味,估唔到燒出來又真係幾好味喎!

上湯芝士焗龍蝦

今日國慶節難得一家人都放假梗係要煮餐好啲嘅食吓啦,問囝

囝想食啲乜佢諗都唔使諗話想食龍蝦喎,冇問題啦反正喺屋企

煮點都平過出街食,去到街市淨係得波士頓龍蝦,兩隻蚶好大呢

買咗兩隻就兩斤幾重,本來想整伊麵底都唔整咯驚食唔晒呀!

芋圓紅豆湯

 

芋圓係台灣著名小食,其中以九份最出名,芋圓香Q美味冷熱皆

宜仲好百搭添,而且做法唔複雜,之前按食譜用地瓜粉即蕃薯粉

嚟做點知一啲都唔好食,淋滋滋又唔Q,立即去請教友人邊度出

錯,原來台灣嘅地瓜粉係木薯粉嚟架,我頂…

抹茶銅鑼燒

做法和上次一樣只不過加咗抹茶粉成了另一種口味的銅鑼燒,

但兩種味道都咁好食!

豉油雞

昨日買定隻冰鮮雞驚今日打風買唔到餸,點知個風去得好快,今

朝瞓醒已經風平浪靜,見“雀后”隻豉油雞咁吸引,就一於整豉油

雞!

家鄉甜薄罉

前日中秋節整糖不甩剩咗啲花生芝麻餡,今日就用咗嚟整甜薄

罉,隨住颱風逼近今日三十四度高溫,煎完幾塊已經身水身汗,不

過真係好好食,值得嘅!

糖不甩

每年中秋節我都煮湯圓一家人食,今年就煮咗糖不甩,喻意都係

代表團團圓圓,喺度我祝各位人月兩團圓!中秋節快樂!

冰皮月餅

今年中秋節冇整傳統的廣式月餅只係做冰皮月餅,點解?一日至

衰係亞虎啦近住節日先玩迫遷,搬家搬到頭都暈仲邊有時間去

買材料整月餅呢!

長頸鹿紋蛋糕

搬嚟呢度第一篇新文章繼續係彩繪蛋糕因為好玩又好食,呢排

 搬家搬到頭都暈,多得阿仔好幫得手,整個蛋糕當係慰勞吓佢同

我自己啦!



彩繪蛋糕卷

想整彩繪蛋糕好耐啦,但又懶畫圖又冇錢買嗰啲彩繪矽膠墊喎但

又想玩吓喎,終於“的”起心肝畫咗幅類似士多啤梨嘅圖,整出嚟嘅

效果又唔錯喎,而且幅圖仲可以無限次使用添(唔整爛嘅話)!

 

 

冰皮月餅

有朋友問我點解每年都係整傳統的廣式月餅唔整吓冰皮月餅呢?

我都想但一直都沒遇到好配方啊,以前試過好多配方但做出嚟一

兩天個皮就老化好似食蠟咁,好幸運早排遇到個做餅師傅傳授做

冰皮的技巧和配方,依家做出嚟的冰皮月餅可以放喺雪櫃慢慢食

唔怕個皮變硬啦!但師傅話配方唔可以公開好無奈呀!

白方包(5℃冰種)

最近行書局買咗本新書《麵包教室-5℃冰種的美味》,他的麵包

和17小時中種包好相近,一樣咁軟熟有彈性仲充滿天然麵包香,

但書裏面的份量較大,不過經我調整後剛好做一個450克吐司模

 

份量!

 

 

 

 

 

雪耳杞子桂花糕

又一夏日消暑佳品“雪耳杞子桂花糕”,食完包你心都涼埋!

 

薯仔pizza

天氣太熱冇乜胃口食飯見有幾個薯仔喺度,原本諗住整沙律嘅,但

忽然想起曾經睇過本書係用薯仔嚟整pizza架等我即刻試吓先,只

係簡單放咗幾樣材料已經好好食啦!各位可以按個人喜好加入唔

同材料架!

 

“乜野家”牛肉飯

天氣熱辣辣喺廚房煮完餐飯已經成個水人咁啦,所以最好都係煮

啲簡單嘅嘢,今日呢個牛肉飯既簡單又好味,阿仔話仲好食過“吉

吉家”嗰啲喎!

瑤柱紅豆糭

明日就係端午節,一年一度梗係要包番幾隻糭啦,今年都係獨沽一

味包紅豆瑤柱糭,因為全家人都鍾意食呀!

新玩具剪彩-(湯種)提子包

呢排放假諗住熱熱地攞番部機出嚟整麵包啦,點知個麵糰都未打

完就壞咗,唉!都係嗰句平嘢冇好啦,今次買部貴啲嘅玩吓,嘩!同舊

嗰部比簡直贏九條街(不過價錢都係),打粉够力薄膜又够薄,打出

嚟嘅麵糰好有弹性,打咗廿幾分鐘機頭只有少少熱,唔似得舊嗰部

打十零分鐘就好似發燒咁,真係好鐘意呢部機,希望佢襟用啦!

熏蹄

討厭的夏天又來了,又係時候出動啲冷盘啦,剛好雪櫃有隻咸豬手

攞嚟整熏蹄啱晒!

日式芝士蛋糕

                         

幾日前經過一間餅店見到呢款日式芝士蛋糕賣成五十蚊一個,嘩!

使唔使咁貴呀!買塊芝士三十幾蚊可以整兩個都用唔晒呢,今次

整咗兩個,其中一個不太完美有輕微開裂,唔知點解焗一個就冇問

題,焗兩個就其中一個有問題呢?

菜肉包

最近沉迷咗“Candy Crush Saga”遊戲搞到少咗整嘢食同上網添,

今日整咗十幾個菜肉包~嘻嘻~放喺雪櫃有排食lu,繼續遊戲啦!

 

銅鑼燒

囝囝細個嗰陣好鐘意睇“多啦A夢”,早幾日放學返來無意中打開電

視剛好做緊呢套卡通,就即刻同我講好耐冇食豆沙包啦,等我仲以

為蒸嗰啲豆沙包添,原來係隻機械貓食嗰啲,如果世上真係有“時光

機”同“隨意門”你話幾好呢!

紫菜肉鬆蒸蛋糕

焗蛋糕就食得多今日轉吓口味來個蒸蛋糕啦,但家用煤氣爐火力

有限所以要整細個啲,既易熟又不會下塌,隔咗夜都仲好軟熟架!

生日蛋糕

呢個蛋糕係為囝囝早前生日做的,因為資質有限不懂得太多裝飾

所以都係以簡單為主,好彩囝囝要求不高照單全收啫!今次用咗小

嵨老師的方法嚟整海綿蛋糕,加入咗水飴保濕效果很好,冇普通的

海綿蛋糕咁乾,口感介乎戚風與普通海綿蛋糕之間真係唔錯!

鮮奶饅頭

偷懶咗咁耐係時候返來了,多謝大家咁掛住我…啲嘢食呀!哈哈!

啲同事話想學整饅頭喎,好啦今日就整饅頭啦,之但係越簡單嘅嘢

就越難整得好啊!

桂花馬蹄糕

元旦過後好快就到農曆新年了,好多超級市場都已擺滿咗各色各樣

的賀年食品,我都趁今日放假整咗應節食品馬蹄糕嚟練習吓先,雖然

好耐冇整但好彩都冇生疏到啫!