依家係洛神花季節街市好多菜檔都有得賣,我最鍾意用佢嚟整
果醬夾麵包食,今次買嘅洛神花好新鮮仲有葉架!
最近愛上用芋圓煮糖水,除了喜歡它煙煙韌韌的口感和濃濃的
芋頭蕃薯香外,更愛它天然色彩繽紛的衣裳令人賞心悅目難以
忘懷!
早幾日整豆沙包開咗包麵粉,剩下的今日用嚟整生煎包,一煎好
囝囝就急不及待食咗幾個,唉…好似餓咗幾餐冇食咁!
天氣開始涼涼地又係時候整中式包啦,一次整多啲放喺雪櫃慢
慢食方便又快捷!
蛋糕就食得多但用糯米粉整嘅蛋糕你又食過未呢,口感Q彈香糯
剛出爐個皮仲脆架,隔夜都唔會變硬,我一試就愛上咗啦!
老公行超級巿場買咗兩盒雞翼返來,我話佢呢啲醃好晒味嘅嘢
有幾好食呀,但老公話見係秘製配方先買嚟試吓係咪真係咁好
味,估唔到燒出來又真係幾好味喎!
今日國慶節難得一家人都放假梗係要煮餐好啲嘅食吓啦,問囝
囝想食啲乜佢諗都唔使諗話想食龍蝦喎,冇問題啦反正喺屋企
煮點都平過出街食,去到街市淨係得波士頓龍蝦,兩隻蚶好大呢
買咗兩隻就兩斤幾重,本來想整伊麵底都唔整咯驚食唔晒呀!