一有時間我就會整定啲中式包放喺雪櫃,方便朝早趕返工返學
時拿出來蒸番熱就食得,自家製冇添加食得安心又放心!
材料
中筋粉 250g
砂糖 30g
牛奶 130g
酵母 3g
粟米油 5g
餡料
火腿片 半塊、蔥 10g、鹽 2g、粟米油 適量、五香粉 少許
做法
火腿、蔥切粒備用
酵母加入牛奶中攪溶
麵粉、砂糖混合拌勻,加入牛奶混合物、粟米油搓成光滑麵糰
靜置鬆弛5分鐘,把麵糰壓成長方形
塗上粟米油,再撒上鹽及五香粉抹勻
均勻地撒上火腿及蔥粒後捲起
切去頭尾後平均切成8份
用筷子在中間壓下,稍拉長扭一扭,兩端向下捏緊
醒發20-25分鐘
涷水落鑊一齊蒸,大火蒸17分鐘即可
你整得好靚，我都整過，但做唔到個型咁靚。
回覆刪除慢慢嚟你一定做到架
刪除睇你做呢d蒸包好似好簡單, 到自己落手做就覺得好難 .
回覆刪除蔥花火腿卷我中意食 , 我兩個小朋友唔中意食蔥=_="
好多小朋友都唔鍾意食蔥架
刪除整得好靚， 最近天氣凍， 個人都懶哂。
回覆刪除冬天人都懶d架~
刪除高LING, 你D包點真係好鬼靚!!! ^^
回覆刪除你d麵包够靚啦
刪除花卷好靚呀！冬天有一包在手好溫暖架！
回覆刪除謝謝翠兒!熱辣辣食完成身暖晒!
刪除點解你好似好容易咁嘅？
回覆刪除因為佢係高手囉hahaha
刪除過獎~過獎
刪除好靚呀！
回覆刪除咁靚，我又要食[]~(￣▽￣)~*
回覆刪除一齊食啦
刪除Ling Ling: 請問可否預先做好，做到醒麵的程序，入雪柜等翌日早晨才蒸，可以嗎？
回覆刪除還是....蒸好先，食時才翻蒸，哪個方法好呢？多謝指教﹗
蒸好>>>入冰格>>>食時翻蒸
刪除haitang
呢位匿名朋友的方法最好
刪除卷得好靚，我記得妳之前好似整過
回覆刪除係呀~整過架
刪除整得好靚呀!齋睇都開心^o^
回覆刪除謝謝Terry Ma~
刪除嘻嘻...又黎偷師...但我捲唔到你的咁靚...一行行咁分明...
回覆刪除我的係痴埋晒..不能分開一行行的....是否麵團太濕 還是我捲法唔岩? 我是很密咁捲的...請問岩唔岩?
多謝指教
manman
將麵糰壓開成長方形時撒上少少乾粉就冇咁濕啦,捲密d層次就多d
刪除以前覺得中式包好難整, 又要用老麵....但跟你呢個方法真係簡單過焗西式包, 仲唔易失敗添~
回覆刪除雖然個樣冇你整得咁靚, 但都好食, 咁以後就唔駛落街買幾蚊個甜味怪怪哋嗰啲lu~
多謝晒!!
中式包的確比麵包易整，而且可以整多d放喺冰格，蒸番熱就食得非常方便，出邊賣嗰d落咗漂白劑的𣎴要食咁多
刪除想請教點至可以整到個皮咁滑呢? 我啲硬係起豆皮....
刪除壓麵皮時要用力d將空氣壓晒出來咁就會滑d
刪除謝謝~ 我會努力改善個皮!
刪除唔該晒呀~ 我搓到個皮滑喇! 應該係之前我將鮮奶翻熱至開酵母, 諗住等佢易溶啲, 但團粉就變得好乾. 今次試就咁用凍鮮奶, 再畀啲力搓, 團粉冇咗啲豆皮 ^.^ (雖然搓得太高興, 靭咗少少....)
刪除我想問，如果唔食得糖，可唔可以唔放30g糖呢？ 會唔會有影響? 或者有無其他取代呢?
回覆刪除完全唔放發酵得冇咁好架,可以放少d
刪除知道，唔該哂你，你整既食譜好詳細，好岩我呢種新手黎偷師，學到好多野^^
回覆刪除請教為何未開煲蓋時好飽滿靚仔，但一打開蓋就即刻收縮變縐皮呀！
回覆刪除發酵過度呀,同埋一蒸好不要立刻打開蓋,要打開少少蓋疏氣5分鐘才可取出
刪除請問咩叫醒粉?
回覆刪除醒發即係發酵
刪除为何不可好似你甘整到甘长方型呢
回覆刪除要慢慢拉長才扭
刪除