天氣太熱冇乜胃口食飯所以好多時都係煮吓粉麵或者煲吓粥咁
今日就整pizza,唔知係咪肚餓好快俾阿仔KO咗三份二個!
材料
高筋粉 200g
酵母 3g
砂糖 10g
鹽 1g
水 110g
牛油 20g
餡料
魷魚、蝦仁、蟹柳、菠蘿、千島醬、紅、白車打芝士、馬蘇里
芝士各適量(魷魚和蝦仁要飛水)
做法
把所有材料(牛油除外)混合搓勻,再加入牛油搓成光滑麵糰
蓋保鮮紙發酵至兩倍大(约60分鐘)
取出排氣後滾圓,靜置鬆弛20分鐘
用棍壓成約13吋圓形
用紅、白車打芝士圍邊並包好
將批邊切開4等份、再切8等份、最後切成24等份
把批邊扭向上,再把底部捏實
均勻地掃上橄欖油及叉上小孔
塗上千島醬及放入餡料,在批邊掃上橄欖油
放入已預熱200℃焗爐焗17-18分鐘
煮食心得
批邊用車打芝士焗完就溶晒流出來,批邊變咗空心,如果用高溶
點芝士就唔會流出來同埋唔會空心
好叻呀！
回覆刪除Thank you!
刪除點解排第二呀,吾理先飲為敬,先食一半都系咪敬佩
回覆刪除隨便食啦!唔使客氣架!
刪除WA!太勁了!整得好靚,見到芝士好想食呀~~~
回覆刪除好靚!真想吃掉它
回覆刪除謝謝!已經把它消滅了!
刪除啊我的至愛 pizza , 賣相一流 , 熱辣辣睇見都流口水了 .
回覆刪除熱辣辣最正呀!
刪除好犀利!原來扭扭邊咁整既!咁足料真係好想食呀!都話凌晨不要看美食啦..haha
回覆刪除哈~咁下次早d嚟啦！
刪除賣相好靚，見到食慾都大增.....
回覆刪除好耐冇見啦肥媽咪，請你食番件啦！
刪除我係新手，請問step1係用手搓粉團? 如何做到呢??
回覆刪除係用手搓，你都試吓一定做到的！
刪除整得靚過必勝X呀!
回覆刪除謝謝!
刪除整得咁靚，仔仔梗係食得多啦！
回覆刪除阿仔係大食懶
刪除嘩嘩嘩！！！
回覆刪除妳幾時開班受徒？
開班唔知有冇人學呢
刪除整得好正
回覆刪除如果無焗爐,用光波爐可以整到依個效果嗎？
謝謝!未用過光波爐效果不太清楚
刪除我都想扭扭扭, 扭番幾口放落口 ! ^^
回覆刪除快嚟扭啦~
刪除睇見就想扭一粒試下喇，流口水添！
回覆刪除翠兒快嚟一齊扭啦!
刪除請問要唔要撻個面糰？
回覆刪除可以撻可以搓,我冇撻淨係搓
刪除我是新手, 看到你的圖片步驟很清楚令人容易明白, 已經 bookmark 了, 感激 ! 想多問一點, 你用的橄欖油是那一種, 因市面太多, 又有多用途/高溫煎炒用/初榨, 應該買那款呢 ? 另外, 你用的底盆是什麼呎吋 ? 請賜教, 謝謝 !
回覆刪除我用“百得利”清淡橄欖油適合高溫煎炸的,pizza盤12吋
刪除你好，我也是新手！我想問點解我跟你做法一樣，食落去有酸酸地既味道？
回覆刪除邊度出錯呢？？我用乾酵母，直接同粉一齊混合，會唔會係呢度出錯？
發酵過度就會酸,夏天發50-60分鐘就得
刪除我已跟是食譜材料，但搓左半個鍾都不能成麵團，是否一定要用高筋麵粉，如用中筯可以嗎?救教
回覆刪除你係咪新手?慢慢搓一定會成糰的,用中筋粉都可以但口感冇咁好
刪除作者已經移除這則留言。
回覆刪除你好~想問一下粉團要搓到有膜嗎？
回覆刪除整pizza唔使搓到出膜
刪除你好，請問一下高溶點芝士可以起邊度買？
回覆刪除烘焙店有
刪除我整咗n次都唔得，已經用塊芝士墊住先放其他材料，都係中間好多水，請問指教一下，到底點解會咁嘅？
回覆刪除蝦同魷魚有冇飛水?同埋菠蘿要揸去水份
刪除我整咗n次都唔得，已經用塊芝士墊住先放其他材料，都係中間好多水，請問指教一下，到底點解會咁嘅？
回覆刪除Hi, 牛油用在?
回覆刪除牛油要用熱水溶化嗎
回覆刪除