天氣咁涷最好就係炆牛腩啦,今日好早就去街市買咗塊崩沙腩,
崩沙腩即係牛的橫隔膜,筋膜連住少少肉肥瘦啱啱好,入口軟滑
有膠質,一個字“正”!
不需用麵種都可以做到鬆軟馬拉糕,用低溫發酵來做馬拉糕的
靈感係來自低溫發酵麵包,喜歡馬拉糕嘅朋友一定要試,真係好
好食架!
好耐冇整過麵條啦,部壓麵機都差啲發毛咁滯,皆因一個“懶”字
囉。自家做嘅麵條非常爽滑及充滿蛋香,食過之後一定唔會再
想買出邊的麵,而且自家製沒有防腐劑、添加劑食得健康又放
心!
秋天係栗子當造季節,我最喜歡食呢隻桂林錐,今日用烤的方法,
原來係非常好食架,仲好易整添!
如果屋企有長輩生日,如果你又會整壽桃包咁幾好呢!壽桃包唔
算難整但係我覺得彈上顏色嗰Part有啲技巧囉,我都彈到幾“呢
hea”吓,好彩都唔係太失禮係咪呀各位?
最近7仔有“多啦A夢”公仔換,亞仔見到又大唔透咁話 : 媽咪,我
想換呀!同埋想食豆沙包!
有位朋友初一同十五都食素的,有次佢同我講好鍾意食甜酸齋,
但出邊賣啲麵筋好多時會有“噏”味,我就教佢自己整啦保証食得
安心又放心!
有人見我買咗袋薯仔返來就强烈要求整呢個pizza,理由係好耐
好耐冇食過啦,冇問題吖好易整啫!
買咗《5℃冰種的美味》這本書已經有一段時間,只係整過它的
「冷藏液種」,今日終於試埋它的「冷藏老麵種」,個人認為呢
兩種低溫長時間發酵的麵種做出來的麵包都非常軟熟同有彈性
一個字“正”呀!
桂花糕就食得多但玫瑰花糕你又食過未?桂花香味濃郁玫瑰花
香味優雅,兩種花香都係我非常鍾意的!
好耐冇整麵包要練習吓啦否則好易生疏架,今日整咗呢個既簡
單又好食的黑糖提子包,話咁快就發到盆滿砵滿,所以夏天係最
適宜做麵包的!
為咗整呢個奶黃月餅專登去買個50g模返來,我都係第一次整呢
個月餅配方當然係用葉師傅的,雖然係第一次整但之前有做過
廣式月餅底子,所以對我嚟講冇乜難度最緊要睇火就得!
差唔多成年冇整過生煎包忽然之間好想食,其實整生煎包的材
料都好簡單而且又唔使發酵好耐,如果想食都好快有得食!
看似簡單的海綿蛋糕其實要做得好並不容易,除了雞蛋要打發
得好,入麵粉時的攪拌手法也很重要否則會引致消泡。
還有配方的比例要啱,好多朋友都話焗緊的時候看見升發得好
靚,但一出爐就開始縮即使倒扣咗都仲係縮到亞媽都唔認得。
焗小蛋糕一次不要焗太多,特別係我哋啲細焗爐,焗得太多普遍
都有上色不均勻的情况,好多時中間嗰啲就上晒色而邊位嗰啲
就鴛鴦色。
仲有廿幾日就中秋節又開始要整月餅啦,首先咗整全家人至愛
嘅冰皮月餅。
一般自家製的冰皮月餅個餅皮好快變硬,有些甚至放雪櫃都唔
够一天就開始變硬如嚼蠟般點解呢?原因係我們自家製沒有添
加啲乜劑物劑囉!
今日教各位一個方法就幾時都可以食到軟軟的自家冰皮月餅,
同埋教大家怎樣整彩色花花冰皮月餅!
自家製的餡料純正、少甜、少油和沒有添加色素及防腐劑,絕
對天然健康而且比現成的餡料便宜,只是工夫多一點但絕對值
得的!
天氣熱冇乜胃口食飯阿仔話想食腸粉喎,嘩~咁鬼熱蒸腸粉咪仲
辛苦過煮飯,唉~算啦鬼叫我得佢一粒咩,如果佢話想要天上嘅月
亮我都要想辦法摘俾佢架啦!
好多朋友都話芝士蛋糕好難焗得好,唔係開裂就係太濕又或者
沉底有布甸層,其實只要掌握到個原理同埋和自己的焗爐溝通
好,無論麽什焗爐都能把蛋糕焗得好。
個原理好簡單就係芝士蛋糕好脆弱好易就會開裂,開裂的原因
是因為底火太熱沖爆個蛋糕,所以焗嘅時候要用涷水去隔絕個
底火,仲要加啲冰粒落水度,好多朋友問點解要加冰粒呢?因為
剛開始焗蛋糕時係要用高溫將蛋糕表面焗到完全上色,但啲水
又不能熱得太快,因為如果啲水熱得太快個蛋糕都未上完色就
會爆,所以加啲冰粒水就熱得冇咁快了。仲有打蛋白時不要打
得太乾7-8分發便可但也不能太濕,蛋白打得太乾也會引至開
裂的。待蛋糕上完色就可以將溫度調低點一直將蛋糕焗熟為
止。
為什麽蛋糕會太濕一脱模就爛,因為蛋糕未焗熟囉,所以要和自
已嘅焗爐溝通好掌握它的脾氣,例如我之前個“KENWOOD”焗
爐脾氣好剛烈,每次焗麵包或蛋糕都要蓋錫紙,否則就去咗非洲
架喇,但依家用緊嘅“Tefal”焗爐就溫柔好多,連錫紙都慳番好多
呀。所以如果自家焗爐脾氣大就把溫度調低點,如果脾氣溫柔
就要調高點啦!至於蛋糕熟唔熟取出時將它搖一搖如果冇“浪吓
浪吓”就熟,否則將它送回焗爐調高一點溫度再焗至熟為止。
至於為什麼會沉底有布甸層,是因為攪拌過度引至消泡!看完之
後祝各位可以成功做到靚靚日式芝士蛋糕,已做到的朋友可以
略過不看我發噏風!
天氣太熱冇乜胃口食飯所以好多時都係煮吓粉麵或者煲吓粥咁
今日就整pizza,唔知係咪肚餓好快俾阿仔KO咗三份二個!
討厭的夏天我又要出動消暑武器嚟對付你啦,食完之後真係由
心裏面涼出嚟架!
天氣熱啲香蕉熟得特別快,買梳香蕉返來食咗兩日仲剩番一隻,
到第三日已經熟到不得了用嚟整蛋糕就最啱啦!
夏日炎炎想煮啲開胃嘅小菜但又唔想個廚房太多油煙,今日有
好介紹就係煮呢個橙香骨啦,既不用煎也不用炸仲好開胃美味
架!
天氣熱辣辣冇乜胃口食飯,最好就係整啲冰涷嘅甜品食吓啦,芒
果慕斯啱唔啱食呢?
好耐冇整戚風蛋糕啦個模都就嚟生銹咁滯咯,去買咗幾塊又新
鮮又香噴噴嘅斑蘭葉返來整咗呢個令到成間屋充滿斑蘭香氣的
蛋糕!
上次做奶黃包剩咗啲奶黃餡,用嚟整好耐冇食過嘅水晶餅,仲整
咗豆沙味添,但有人話奶黃好食啲而且冇咁甜,梗係啦奶黃餡係
自家製而豆沙係買現成之嘛,其實豆沙都好食,只不過有人喜歡
奶黃多一些!
奶黃既好食又易整,這個新配方的奶黃餡比之前的那個更加香
濃美味,喜歡奶黃的朋友一定要試!
好快又到端午節又要包糭啦,每年都只係包五角糭今年試吓包
四角糭,原來比想像中容易甚至乎比五角糭更易包,祝各位端午
節快樂!
每次包餃子都會包多啲放喺冰格,需要食就拿出來非常方便仲
唔使解涷添,我最鍾意用嚟煎,又香又脆好正!
復活節長假期開始啦,好開心又可以喺屋企整吓嘢食,有好嘢當
然要同大家分享吓啦!今次整咗我好鍾意食嘅鳳梨酥呀,唔知各
位鍾唔鍾意呢?
早幾日整咗呢個甜品返去請同事食,點知都未食完同事們就强
烈要求我快啲post上去,點解?你們試吓就知!
好鍾意食“坤記”的缽仔糕是因為它爽滑美味唔會死實實,據說是
用新米溝舊米磨米漿才做出這口感,如果是這樣要自家製當然
有困難啦,所以唯有用幾種粉溝埋做出近似口感,經多次改良之
後今日呢個缽仔糕口感最接近“坤記”,即使放過夜都唔會實!
今日囝囝牛一當然要整番個蛋糕啦,佢話今年想要黑森林蛋糕,
當然冇問題啦,不過阿媽只係識整簡單嗰啲架咋太複雜唔識架!
相信整過朱古力蛋糕的朋友都知道朱古力係消泡利器,每次聽
到這些消泡聲個心就開始崩潰了,今日用這個方法來整朱古力
蛋糕,消泡拜拜啦!當然,蛋一定要打發到位呀!
雖然屋企附近新開咗兩間pizza店,但都好難做到我生意囉,因為
我鍾意自己整,只需簡簡單單的材料就已經好好味架啦!
今日初三赤口唔使去拜年而且天氣又暖暖地不如就玩吓包包
啦,新正頭當然要整啲既好意頭又好睇好食嘅包包啦,仲好好玩
添架!
明日就係大年初一我祝各位馬年快樂!身體健康!龍馬精神!馬到
功成!
過年當然唔少得年糕啦,雖然市面有好多五花八門的年糕賣,但
都係喜歡自己做即使工夫多一點,起碼冇添加劑同防腐劑先啦,
而且仲真材實料好味道呀!
好快就過年了啲“糕人”又要做嘢啦,依家啲蘿蔔又平又靚所以今
年第一糕當然係蘿蔔糕啦!
買咗罐牛油好耐都唔得閒整曲奇,眼見就嚟到期終於“的“起心肝
整咗佢啦,新鮮出爐的曲奇香脆好味,食到停唔到口好魔鬼呀!
