桂花糕就食得多但玫瑰花糕你又食過未?桂花香味濃郁玫瑰花
香味優雅,兩種花香都係我非常鍾意的!
材料 (5x5.5吋方模份量)
玫瑰糖材料
玫瑰花乾 2g
冰片糖 30g
水 120g
椰汁層材料
魚膠片 9g
砂糖 40g
淡忌廉 30g
椰汁 93g
水 177g
玫瑰花層材料
魚膠片 13g
冰片糖 40g
玫瑰糖 55g
水 280g
玫瑰糖做法
冰片糖加水煮至溶解,加入玫瑰花乾煮滾即可,待涼放入雪櫃雪
過夜備用
椰汁層做法
魚膠片用冰水浸軟後榨乾水份備用
水加砂糖煮滾離火,加入魚膠片攪溶
再加入椰汁及淡忌廉攪勻備用
玫瑰花層做法
把玫瑰糖隔去渣留55g汁備用(留幾片玫瑰花裝飾其餘棄掉)
水加冰片糖煮溶離火,加入已浸軟的魚膠片攪溶
再加入玫瑰糖拌勻備用
先倒入一層椰汁,放入雪櫃雪約20分鐘至凝固
再倒入一層玫瑰花放入雪櫃雪約20分鐘至凝固,如此類推共做6
層,最後一層加入幾片玫瑰花装飾
做完所有層數後要雪過夜才可脫模
第一名, 可以要一件嗎? ^^
回覆刪除梗係得啦~
刪除正, 我又想食呀...(^▽^)
回覆刪除請你食一件啦
刪除嘩！好靚呀！要雪過夜......我想即刻食呀！^o^
回覆刪除咁心急!依家即刻請你食件啦!
刪除Ｄ賣相和顏色都好靚呀！兩種花各有各香，我鐘意桂花香，但又鐘意玫瑰Ｄ色靚喎，您請我食玫瑰糕喇，哈哈！
回覆刪除哈~冇問題!
刪除想要一大盤呀~~~好貪心^^
回覆刪除下次整一大盤俾你
刪除成日都好想試玫瑰花入饌，你呢個好靚，睇到都覺得香！
回覆刪除好睇又好食你都試吓啦
刪除高ling祝中秋節快樂呀！
回覆刪除中秋節快樂呀！
刪除高Ling, 中秋節快樂 ! ^^
回覆刪除芹菜，中秋節快樂！
刪除整得好靚!請問脫模易嗎?祝中秋節快樂!
回覆刪除謝謝!雪過夜唔難脫
刪除想請教，我蒸千層榚的最後一層，質感比較硬，但其他層是正常，請問在那出錯，我整了十幾次都是這樣，最近2次，我把頂層扯出來掉了才切件，但因為我經驗比較淺，不知問題在那，請指教，謝謝。
回覆刪除你可能沒有每蒸一次都把粉漿攪勻,令到d粉沉咗底,所以到蒸最後嗰層就會較硬
刪除Ling姐你整得好靚,之從跟你學識整桂花糕後,我巳覺得好嬌傲,這次一定學整這欵比家人吃,因為太靚了
回覆刪除同桂花糕做法差不多,你一定可以整得好靚架!
刪除