好耐冇更新網誌不過我都有喺其他平台分享,以後會放多些時
間在這裡和各位分享,今日用檸檬皮整清蛋糕味道好清新,食譜
參考翠兒清蛋糕。
材料 (8吋方形模一個)
蛋白 162g
蛋黃 85g
砂糖 100g
低筋粉 110g
粟米油 30g
牛奶 55g
鹽 1g
檸檬皮 1個
做法
磨檸檬皮(只要表皮不要白色部份)
低筋粉過篩
蛋黃加入20g砂糖打至淺色及稠身後加入油及牛奶拌勻,再加入檸檬皮拌勻
加入低粉拌勻備用
蛋白加入鹽略打,分3次加入餘下的砂糖打至起小直角
先取1/3蛋白加入麵糊中拌勻,再倒回餘下的蛋白中拌勻
倒入已鋪牛油紙的模中刮平
放入已預熱170℃焗爐(溫度只供參考,請按自家爐溫調節)焗45-47分鐘
待涼食用
我家焗爐爐溫高咗30℃,所以我只係用140℃焗就得
妳既清蛋糕好正呀，我都經常會整吓！(^∇^)
回覆刪除我好多時都整架
刪除隔住個mon都聞到檸檬清香，正❤
回覆刪除天然香氣清新又美味
刪除你和翠兒都係我師傅,期待您們多D出Blog,等我學多D美食,係咪好貪心呀!
回覆刪除想請問点解個糕面焗完出爐之後會好濕和凹,切開糕的底層唔係幾鬆.因我冇呢個問題,我朋友問我,我都唔識答佢,您可以幫下手嗎?
謝謝小月讚賞祝母親節快樂！我之前都有試過咁情況，好大機會係蛋白打得唔夠發，一定要打到起小直角，同埋食譜份量要準確，我今次食譜份量都寫得好祥細，可以叫妳朋友跟住做一次睇吓會唔會好啲。
刪除想問焗蛋糕要開上下焗火?
回覆刪除係呀~如果有熱風對流都要開埋
刪除係咩logo🤣🤣 個蛋糕冇上下啡色，係咩原因？是否蛋白打得5夠
刪除唔上色即係爐溫唔夠，把溫度調高些吧！
刪除期待已久，終於皇天不負有心人等到喇！我追隨看你的食譜好耐以為你封着blog好失望，但今天看到有一種失而復得的感覺，非常開心，多謝你無私的分享我跟住你的食譜整過好多，效果很成功！請問你還有其它平台分享食譜嗎？
回覆刪除謝謝你支持！我都有喺Facebook分享但在這裏分享比較詳細點！
刪除請問你的8吋方形模高度是多少？謝謝！
回覆刪除大約3cm高
刪除請問打蛋白由頭到尾用什麼速度來打！唔該曬！
回覆刪除先用快速打至輕微杰身再用中速打至起彎鈎最後用慢速打至起小直角
刪除終於等到你回歸blog了！請問你仲有係邊度分享吖？好想follow你吖
回覆刪除仲有喺fb分享
刪除