瑤柱蘿蔔糕
好快就過年了啲“糕人”又要做嘢啦,依家啲蘿蔔又平又靚所以今
年第一糕當然係蘿蔔糕啦!
材料 (7吋方模份量)
粘米粉 75g
鷹粟粉 150g
蘿蔔 (去皮) 2000g
水 150g
瑤柱 5粒
臘腸 2條
臘肉 半條
蝦米 40g
做法
瑤柱、蝦米浸透
臘腸、臘肉切粒,瑤柱撕碎備用
蘿蔔取500g切絲,餘下的刨絲
燒熱鑊落少許油爆香臘味,再加入蝦米炒香,最後加入瑤柱略炒盛出備用
倒入蘿蔔絲及刨絲連汁,加入150g水和適量砂糖煮至軟身,下鹽、雞粉調味後熄火
把蘿蔔水隔出,量出380g(餘下的棄掉),拌入粉類中攪勻至沒有粉粒
把臘味和粉漿倒入蘿蔔中拌勻,開中火快手炒至水份收乾熄火
倒入已掃油的模中抹平
水滾後中火蒸60分鐘
待完全涼透才可切件
煎香食用
正方型兜嚟整蘿蔔糕又幾好喎!
回覆刪除用方型模好切d呀!
刪除我從未試過整蘿蔔糕,今年一定要的起心肝試吓整至得.....
回覆刪除自己整足料又好味呀!
刪除高人~糕人整 "糕", 一定完美! 鷹粟粉 咁多煎食時, 質感是怎樣?
回覆刪除質感滑d~
刪除豐富材料的自家制蘿白糕正呀 . 流口水中 !
回覆刪除妳都整啦~
刪除你的蘿蔔好多水, 我的冇咁靚, 鷹米粉多過粘米粉係咪糕糕硬淨啲??
回覆刪除依家d蘿蔔好多水份好靚~唔係硬淨d而係滑d
刪除高人即係高人,我呢種成日整到d食物樣樣衰衰既人唔明你點可以切/煎到咁靚!
回覆刪除過奬~過奬,用把薄d嘅刀慢慢切同慢慢煎就得啦!
刪除粘米粉 75g
回覆刪除鷹粟粉 150g
is this typo error?
沒有錯呀~鷹粟粉份量比粘米粉多!
刪除香港的蘿蔔真係多汁呀
回覆刪除係呀!依家香港d蘿蔔又平又靚呀!
刪除鷹粟粉多粘粉咁多,口感係點㗎?想整口感適中有啲Q,Q食譜應該係點?請指教!Thx~
回覆刪除軟滑適中~Q的未有呀!
刪除我都整咗好多抵,遲啲做其他糕
回覆刪除我仲整年糕呀
刪除我下星期先整呀!
回覆刪除我下星期仲要整呀!
刪除跟左做,但煎出來有点散,可否指教有什麼出錯。
回覆刪除有冇放到完全涼透先切呀?
刪除這個星期日我都加入行列整糕
回覆刪除哈哈~歡迎加入呀!
刪除大家都努力開爐啦!
回覆刪除咁妳呢?
刪除做得好靓
回覆刪除謝謝讚賞!
刪除材料好豐富丫,整蘿蔔糕最煩係刨蘿蔔,所以依家都冇整lu
回覆刪除好足料架~整蘿蔔糕工夫係多一點,但好食喎!
刪除你整得好靚呀,引死我…… 我今日午餐食蘿蔔糕,好好味,系阿仔ge同學媽咪整俾我架,哈哈……
回覆刪除妳就好啦~有人整埋俾妳食!
刪除作者已經移除這則留言。
回覆刪除