芋圓係台灣著名小食,其中以九份最出名,芋圓香Q美味冷熱皆
宜仲好百搭添,而且做法唔複雜,之前按食譜用地瓜粉即蕃薯粉
嚟做點知一啲都唔好食,淋滋滋又唔Q,立即去請教友人邊度出
錯,原來台灣嘅地瓜粉係木薯粉嚟架,我頂…
做法和上次一樣只不過加咗抹茶粉成了另一種口味的銅鑼燒,
但兩種味道都咁好食!
昨日買定隻冰鮮雞驚今日打風買唔到餸,點知個風去得好快,今
朝瞓醒已經風平浪靜,見“雀后”隻豉油雞咁吸引,就一於整豉油
雞!
前日中秋節整糖不甩剩咗啲花生芝麻餡,今日就用咗嚟整甜薄
罉,隨住颱風逼近今日三十四度高溫,煎完幾塊已經身水身汗,不
過真係好好食,值得嘅!
每年中秋節我都煮湯圓一家人食,今年就煮咗糖不甩,喻意都係
代表團團圓圓,喺度我祝各位人月兩團圓!中秋節快樂!
今年中秋節冇整傳統的廣式月餅只係做冰皮月餅,點解?一日至
衰係亞虎啦近住節日先玩迫遷,搬家搬到頭都暈仲邊有時間去
買材料整月餅呢!
搬嚟呢度第一篇新文章繼續係彩繪蛋糕因為好玩又好食,呢排
搬家搬到頭都暈,多得阿仔好幫得手,整個蛋糕當係慰勞吓佢同
我自己啦!
想整彩繪蛋糕好耐啦,但又懶畫圖又冇錢買嗰啲彩繪矽膠墊喎但
又想玩吓喎,終於“的”起心肝畫咗幅類似士多啤梨嘅圖,整出嚟嘅
效果又唔錯喎,而且幅圖仲可以無限次使用添(唔整爛嘅話)!
有朋友問我點解每年都係整傳統的廣式月餅唔整吓冰皮月餅呢?
我都想但一直都沒遇到好配方啊,以前試過好多配方但做出嚟一
兩天個皮就老化好似食蠟咁,好幸運早排遇到個做餅師傅傳授做
冰皮的技巧和配方,依家做出嚟的冰皮月餅可以放喺雪櫃慢慢食
唔怕個皮變硬啦!但師傅話配方唔可以公開好無奈呀!
最近行書局買咗本新書《麵包教室-5℃冰種的美味》,他的麵包
和17小時中種包好相近,一樣咁軟熟有彈性仲充滿天然麵包香,
但書裏面的份量較大,不過經我調整後剛好做一個450克吐司模
份量!
又一夏日消暑佳品“雪耳杞子桂花糕”,食完包你心都涼埋!
天氣太熱冇乜胃口食飯見有幾個薯仔喺度,原本諗住整沙律嘅,但
忽然想起曾經睇過本書係用薯仔嚟整pizza架等我即刻試吓先,只
係簡單放咗幾樣材料已經好好食啦!各位可以按個人喜好加入唔
同材料架!
天氣熱辣辣喺廚房煮完餐飯已經成個水人咁啦,所以最好都係煮
啲簡單嘅嘢,今日呢個牛肉飯既簡單又好味,阿仔話仲好食過“吉
吉家”嗰啲喎!
明日就係端午節,一年一度梗係要包番幾隻糭啦,今年都係獨沽一
味包紅豆瑤柱糭,因為全家人都鍾意食呀!
呢排放假諗住熱熱地攞番部機出嚟整麵包啦,點知個麵糰都未打
完就壞咗,唉!都係嗰句平嘢冇好啦,今次買部貴啲嘅玩吓,嘩!同舊
嗰部比簡直贏九條街(不過價錢都係),打粉够力薄膜又够薄,打出
嚟嘅麵糰好有弹性,打咗廿幾分鐘機頭只有少少熱,唔似得舊嗰部
打十零分鐘就好似發燒咁,真係好鐘意呢部機,希望佢襟用啦!
