2014年8月11日 星期一

冰皮月餅


仲有廿幾日就中秋節又開始要整月餅啦,首先咗整全家人至愛

嘅冰皮月餅。

一般自家製的冰皮月餅個餅皮好快變硬,有些甚至放雪櫃都唔

够一天就開始變硬如嚼蠟般點解呢?原因係我們自家製沒有添

加啲乜劑物劑囉!

今日教各位一個方法就幾時都可以食到軟軟的自家冰皮月餅,

同埋教大家怎樣整彩色花花冰皮月餅!
















材料 (63g餅模28個份量)

糯米粉 100g

粘米粉 100g

澄麵 50g

低筋粉 50g

牛奶 500g

煉奶 100g

橄欖油 50g

砂糖 100g

紫薯粉 6g

南瓜粉 6g

抹茶粉 1g



餡料

綠豆餡 350g

紫薯餡 315g

南瓜餡 315g


餡料做法按此


做法

糯米粉、粘米粉、澄麵、低筋粉混合拌勻













牛奶、煉奶、橄欖油、砂糖混合煮滾,趁熱一次過撞入粉中快

手攪勻至沒有乾粉(這個步驟就是能令到餅皮保持柔軟)



































把粉糰放入已掃油的碟中,水滾後大火蒸20分鐘至熟,取出蓋上

保鮮紙待涼

























戴上膠手套搓至順滑













切出90g粉糰加入抹茶粉搓勻,餘下的粉糰分成3等份,其中兩份

分別加入紫薯粉及南瓜粉搓勻成餅皮
























用保鮮紙包好放入雪櫃雪6-7小時













糕粉做法

糯米粉100g(份量外)白鑊中火炒至微黃即成













餡料每粒35g搓圓備用













把餅皮分成30g、花2g、葉3g搓圓













餅模除出花片分別上糕粉













把紫色壓在花上,綠色壓在葉上















把花片放回餅模中擰緊













餅皮壓平包入餡料














沾上少許糕粉收口向上放入模中壓實印出















用掃掃去多餘糕粉













重覆以上步驟把所有餅做完
























月餅怎樣保存才能保持柔軟

整好的冰皮餅都要放入冰格,食前提早50-60分鐘取出室溫解涷

或取出放雪櫃下層5-6小時解涷

如果整好的冰皮月餅不放入冰格而是放入普通格請在2-3天內

食完,因為放普通格3天後個皮就開始變硬,但放冰格就唔會,一

解咗涷個皮就會軟番。

月餅最好用盒裝好再加個密實袋才放入雪櫃就冇咁易抽乾水份

試過放喺冰格成個月攞番出嚟解涷食個皮都仲軟架



61 則留言:

  1. 你好叻呀!上堂開班我嚟學。

    回覆刪除
  2. 請問點可以拆開花片?我點整都唔甩......

    回覆刪除
  3. 原來做多色都要很多功夫喎,你做得好靚。

    回覆刪除
  4. 好靚呀!
    最開心就係今年您可以公開食譜,唔使我好似舊年咁,亂整一番,謝謝您的分享!

    回覆刪除
    回覆
    1. 系呀好開心ling姐可以公開食譜,
      一於跟住整,謝謝ling姐的分享!

      刪除
  5. 正呀!!! 今年一定要記住用你個方法!! ^^

    回覆刪除
  6. 多謝分享 ! 家人食得健康又放心。 ^^

    回覆刪除
  7. 本應諗住唔整月餅, 見到你詳細介紹, 我又有整月餅嘅衝動 :)

    回覆刪除
  8. 好多謝你公開間色冰皮月餅! 獲益良多!

    回覆刪除
  9. 想問下月餅模係邊度買?^^THX

    回覆刪除
  10. 哈, 妳整乜都咁正呀, 可惜我及家人都唔食冰皮, 所以我冇心機去整呀.....

    回覆刪除
  11. 請問紫薯粉及南瓜粉係邊度買?

    回覆刪除
  12. 剛跟你個食譜整,但個餅皮蒸完好似好硬!!是否火太大or 水份小?

    回覆刪除
  13. 原來放冰格,幾時拎出來都係軟,咁我吾使再研究個皮了,謝謝你啊

    回覆刪除
  14. 請問紫薯粉及南瓜粉在那裹可以買到呢?謝謝!

    回覆刪除
  15. 請問紫薯粉及南瓜粉係邊度買?

    回覆刪除
  16. 如果印模50g的話,包的餡及皮份量多少?

    回覆刪除
    回覆
    1. 因我沒有50g模所以不知,不過你可以放舊粉入去壓實再印出來稱吓幾重,例如係60g就30g皮30g餡

      刪除
  17. 想問餅皮蒸熟後會否黏手?

    回覆刪除
  18. 你好叻 ~^ _ ^~

    希望我都可以整到咁靚

    回覆刪除
    回覆
    1. 我想問皮可否預早,如兩日前整好,磋滑後放冰格,用時回溫的?還是一定要整前一晚才做?thanks you

      刪除
    2. 即是要在做月餅前一晚先可做皮了,謝謝

      刪除
  19. 想問 我買嘅係預拌粉,係咪都係整成團先加綠茶粉果d想整有隻有味皮?
    比例幾多左右?另外,製成品係咪全部放冰格? thanks!

    回覆刪除
  20. 同埋預拌粉落白油係固體定液體? 唔好意思,第一次整,咩都唔識

    回覆刪除
  21. 預拌粉話雪30分鐘就得。我應該跟佢定跟你雪6-7小時? 對個皮有影響?

    回覆刪除
  22. 南瓜粉那些是什麼時候下的?最初與熱水整成粉團果陣?成左團先落,到時會均勻?

    回覆刪除
  23. 你好!!想問問50g模,饀和皮各多少g呢?

    回覆刪除
  24. 多謝指教啊!
    成功整到靚靚冰皮月餅,同事都話啲皮做得比之前好,唔該晒。

    回覆刪除
  25. 你好,晚安!多谢你無私的分享!
    自己做的冰皮干净,安全!
    若买了现成的糕粉(香港),又要如何做呢?要加些什么?

    回覆刪除
  26. 请问要如何可以看到你的分享?不知可以加我吗?谢谢!

    回覆刪除
  27. 你好啊,我想問問,點解我做的冰皮放入冰格幾日,拿出來的冰皮會很粉很乾?我已密封了的。

    回覆刪除
    回覆
    1. 你係咪跟呢個食譜做,如果係就不會乾的,我放喺冰格成個月攞番出嚟解涷食個皮都係軟的

      刪除
  28. 我都係,已跟足做法,但個皮雪左兩晚變得很乾😔

    回覆刪除
    回覆
    1. 你的月餅做好之後就要放冰格,咁幾時攞出嚟解涷食個皮都是軟的,但如果放普通格2日就開始變硬

      刪除
  29. 今年用左你個食譜,好掂,個個都讚!

    回覆刪除