平時我們多數都係用刀來切開鹹蛋黃,但鹹蛋黃滑潺潺都幾難切,
有時還會把蛋黃切碎而且切完把刀非常難洗,今日教大家這個方
法唔使用刀唔使用劍只需一條線就能輕而易舉把鹹蛋黃分割得
又靚又整齊!
老公喺超級市場買咗盒特價冰鮮排骨返來,嘩~好大陣雪味啫點
整好呢?最後決定加啲叉燒醬來燒睇吓可唔可以遮蓋咗啲雪味,
效果出人意表不但沒有雪味仲香噴噴好好味添!
最近好似整千層糕整上癮咁,繼早前的紅棗千層糕今日又來椰汁
千層糕,希望大家唔會食滯啦!
上次做的紅棗糕重手咗只整得六層,今次輕手啲終於整咗九層了,
其實份量跟上次一樣只不過是厚薄之分,唔知大家喜歡厚還是薄
呢?
大家都知芝麻好有益可以多食無妨,今次做這個脆條都落咗大量
的芝麻,加埋全麥粉使到它又香又脆,差點食到唔停口!
都唔知點解囝囝唔鍾意食魚但卻非常喜歡飲魚湯,所以我經常
都會煲魚湯,今次用魚湯嚟泡飯唔知佢係咪肚餓居然將下圖嗰一
大碗全部掃清光!
美味的蔥油餅很討人喜歡,真係食極都唔厭,因為鍾意食蔥所以加
了好多蔥…好香呀((((((((我唔客氣啦!
今日母親節祝各位媽媽母親節快樂,現奉上士多啤梨忌廉蛋糕與
各位媽媽一齊分享!
呢個糖加入咗好多堅果及果乾令到它色彩繽紛,再加埋雲呢嗱枝
及淡忌廉的香,真係名符其實色、香、味俱全!
今晚整咗幾個海綿蛋糕仔諗住俾阿仔明天做早餐,點知啱啱影完
相就俾佢食咗幾個,我話你明天冇早餐食啦!點知佢話你再整過咪
得囉!我真係啋你都傻呀咁鬼熱!
食這個老婆餅一啲都唔簡單,要買肥膏回來炸豬油、買斤冬瓜整
冬蓉…好多工夫呀((((((((((不過辛苦係有回報嘅,個個都皮酥餡糯
好好食呀!!!
今日經過葯材舖見有龜苓膏粉賣就買咗盒回來整龜苓膏,有少少
苦但意想不到咁滑,清熱消暑夏天食最好!
我好鍾意食核桃糕但多數都是買的,今日嘗試自己製造,原來比想
像中容易而且很好食,以後都不出街買了!
囝囝是腸仔的忠實粉絲,今次整呢個熱狗包啱晒佢,大大個包大大
條熱狗腸加上落咗好多蔥粒,阿仔話好食到冇得頂!
整燒乳鴿用焗爐代替油炸真方便,只要用鹵水汁把乳鴿鹵好再放
入焗爐焗一會便可,簡單美味!
