斑蘭葉係早個星期同埋啲friend去九龍城買嘅,原來喺九龍城買
呢啲好平同埋好新鮮添,不過要搭車唔係咁方便囉!
雪櫃塊酥皮買咗好耐係時候清貨了,心大心細唔知整乜好,剛好經
過佳寶見到菠蘿又靚又新鮮而且仲係十蚊兩個添,即刻買咗兩個
返來,用咗其中一個來整菠蘿批!
又係一個最啱夏天食嘅餸,甜甜酸酸魚又炸到好香脆連骨都可以
食埋,連平時唔食魚嘅囝囝都要添飯,仲話要整多d俾佢食!
趁老公放假同佢提早慶祝父親節,今年搞搞新意思唔整蛋糕整咗
呢個鮮果撻,又估唔到平時醃尖腥悶嘅老公都話好食喎!
自從上年撻咗地球人喺火星帶回來的酸子薑秘方後驚為天人,非
常爽脆好食而且甜酸適中,趁現在子薑當造我當然唔會錯過啦!
仲要多謝地球人個超級無敌秘方呀!
呢幾日天氣好悶熱,最好就係食番枝冰涷嘅雪條把悶熱趕走,呢
個牛奶紅豆雪條材料簡單容易做又好食,而且自家製無添加可
放心食用!
昨日整咗呢個簡單不用造型的麵包做早餐,都係用我非常鍾意的
湯種法來做,雖然簡簡單單但卻香軟無比非常好食!
每次整生炒排骨呢個餸都要煮多啲飯,因為甜甜酸酸好開胃個個
都要添飯,不過都係少整為妙…點解?因為整呢個餸要用油炸,家
陣油貴米貴排骨都貴,成日整咪冇得打斧頭囉!
端午節就快到好掛住同埋好想食糭,所以急不及待整啲嚟食吓先,
用真空煲嚟焗糭真係好方便,又慳煤氣又唔使睇火,去完街返來就
有得食!
平時我們多數都係用刀來切開鹹蛋黃,但鹹蛋黃滑潺潺都幾難切,
有時還會把蛋黃切碎而且切完把刀非常難洗,今日教大家這個方
法唔使用刀唔使用劍只需一條線就能輕而易舉把鹹蛋黃分割得
又靚又整齊!
老公喺超級市場買咗盒特價冰鮮排骨返來,嘩~好大陣雪味啫點
整好呢?最後決定加啲叉燒醬來燒睇吓可唔可以遮蓋咗啲雪味,
效果出人意表不但沒有雪味仲香噴噴好好味添!
最近好似整千層糕整上癮咁,繼早前的紅棗千層糕今日又來椰汁
千層糕,希望大家唔會食滯啦!
上次做的紅棗糕重手咗只整得六層,今次輕手啲終於整咗九層了,
其實份量跟上次一樣只不過是厚薄之分,唔知大家喜歡厚還是薄
呢?
大家都知芝麻好有益可以多食無妨,今次做這個脆條都落咗大量
的芝麻,加埋全麥粉使到它又香又脆,差點食到唔停口!
都唔知點解囝囝唔鍾意食魚但卻非常喜歡飲魚湯,所以我經常
都會煲魚湯,今次用魚湯嚟泡飯唔知佢係咪肚餓居然將下圖嗰一
大碗全部掃清光!
