做法和上次一樣只不過加咗抹茶粉成了另一種口味的銅鑼燒,
但兩種味道都咁好食!
材料
低筋粉 120g
抹茶粉 3g
蛋 115g
砂糖 80g
蜜糖 15g
泡打粉 3g
牛奶 70g
紅豆餡 適量
做法
低筋粉、泡打粉混合過篩備用
牛奶、抹茶粉攪勻備用
蛋、砂糖、蜜糖座熱水拌至40℃離火
用打蛋機打至稠身及紋路不易散去
一次過篩入低筋粉拌勻
再加入抹茶液拌勻
蓋上保鮮紙靜置30分鐘(會冒出好多泡泡)再拌勻
平底鑊燒熱用紙抹一抹油,倒入適量麵糊
小火煎至氣泡開始破,翻轉略煎即可
烙上花紋
夾入紅豆餡即成
高ling唔話你係熟手技工都唔得, 隻隻大細都一樣 , 好靚 , 你可以去開舖喇 !
回覆刪除其實都有大有細架不過差別不大
刪除抹茶配紅豆一定好好味
回覆刪除味道好夾呀
刪除好靚丫，令我諗起叮噹:p
回覆刪除如果真係有“時光機”你話幾好呢
刪除個個size都一樣， 很有心思呢。
回覆刪除仲要好好心機呀
刪除整得好好呀~~ 叮噹見到實食哂~~
回覆刪除哈哈~冇錯呀
刪除好靚呀！想起叮噹呀，真係想時光倒流呢！
回覆刪除“上次”是在舊卜寫的嗎？全部搬過來了嗎？
係呀翠兒,上次喺舊卜寫架,搬晒過來了有d太舊就冇搬
刪除高手呀! 每次都整得咁靚呀~~
回覆刪除謝謝讚賞呀
刪除高Ling自你教曉呢個做法,我經常整比家人吃,真的不吃不厭,多謝你,等我又轉下用抺茶看看味道如何?
回覆刪除抹茶味一樣咁好食呀
刪除我之前試過烙印要燒好耐先有色ge~ 我想問係之後每印一個都要燒咁耐?
回覆刪除一開始係要燒耐d,但之後每烙一個大約燒半分鐘左右就得
刪除高 ling,
回覆刪除請問你個抺茶粉同罐頭紅豆邊度買架??
我搵左好耐 d 抺茶粉都唔啱 (混左其他粉的)
唔該你先~
呢隻日本抹茶粉好香好好用,喺“橘子”買架,紅豆喺“二德惠”買
刪除WA~你整得好靚呀~我之前都試過整但整得好扁...下次跟你的食譜整先~
回覆刪除個麵糊稀煎出嚟d餅會薄,但如果麵糊太杰煎出嚟d餅就會好厚,我呢個就啱啱好!
刪除原來係咁~~~
刪除請問紅豆餡在那處買到?
回覆刪除喺“二德惠”買架
刪除你好高 Ling,怎可以整到每一個都咁完整同埋煎得咁靚呢?
回覆刪除要有耐性一塊一塊慢慢煎(用小火)
刪除如果我月pancake粉加綠茶液又可行嗎?
回覆刪除pancake粉未用過唔知裏面有什麼成份
刪除你好高ling,跟你做法我可算成功了,但我用發蛋器發後唔似你發得咁雪白ge?why?
回覆刪除你有冇打發到杰身及紋路不易散去?
刪除有呀,但都是偏黃旳,,多謝你的指教,我明天再嘗試
刪除請問如今日整, 明日食, 放室溫???雪櫃???會不會硬呢???
回覆刪除btw, 你的豆沙包也是"小倉"紅豆??駛唔駛煮杰???
放室溫就可以,蛋打發得好係唔會變硬架,中式豆沙包係用普通豆沙餡!
刪除請問蛋要打幾耐架? 我打極都唔到稠身及紋路不易散去
回覆刪除