自製麵筋

有位朋友初一同十五都食素的,有次佢同我講好鍾意食甜酸齋,

但出邊賣啲麵筋好多時會有“噏”味,我就教佢自己整啦保証食得

安心又放心!

薯仔pizza

有人見我買咗袋薯仔返來就强烈要求整呢個pizza,理由係好耐

好耐冇食過啦,冇問題吖好易整啫!

扭結餐包(冷藏老麵種)

買咗《5℃冰種的美味》這本書已經有一段時間,只係整過它的

「冷藏液種」,今日終於試埋它的「冷藏老麵種」,個人認為呢

兩種低溫長時間發酵的麵種做出來的麵包都非常軟熟同有彈性

一個字“正”呀!

椰汁玫瑰花糕

桂花糕就食得多但玫瑰花糕你又食過未?桂花香味濃郁玫瑰花

香味優雅,兩種花香都係我非常鍾意的!

黑糖提子包(湯種)

好耐冇整麵包要練習吓啦否則好易生疏架,今日整咗呢個既簡

單又好食的黑糖提子包,話咁快就發到盆滿砵滿,所以夏天係最

適宜做麵包的!

脆皮奶黃月餅

為咗整呢個奶黃月餅專登去買個50g模返來,我都係第一次整呢

個月餅配方當然係用葉師傅的,雖然係第一次整但之前有做過

廣式月餅底子,所以對我嚟講冇乜難度最緊要睇火就得!

韭菜生煎包

差唔多成年冇整過生煎包忽然之間好想食,其實整生煎包的材

料都好簡單而且又唔使發酵好耐,如果想食都好快有得食!

海綿小蛋糕(全蛋法)

看似簡單的海綿蛋糕其實要做得好並不容易,除了雞蛋要打發

得好,入麵粉時的攪拌手法也很重要否則會引致消泡。

還有配方的比例要啱,好多朋友都話焗緊的時候看見升發得好

靚,但一出爐就開始縮即使倒扣咗都仲係縮到亞媽都唔認得。

焗小蛋糕一次不要焗太多,特別係我哋啲細焗爐,焗得太多普遍

都有上色不均勻的情况,好多時中間嗰啲就上晒色而邊位嗰啲

就鴛鴦色。

冰皮月餅

仲有廿幾日就中秋節又開始要整月餅啦,首先咗整全家人至愛

嘅冰皮月餅。

一般自家製的冰皮月餅個餅皮好快變硬,有些甚至放雪櫃都唔

够一天就開始變硬如嚼蠟般點解呢?原因係我們自家製沒有添

加啲乜劑物劑囉!

今日教各位一個方法就幾時都可以食到軟軟的自家冰皮月餅,

同埋教大家怎樣整彩色花花冰皮月餅!

綠豆、紫薯、南瓜餡 (冰皮月餅用)

自家製的餡料純正、少甜、少油和沒有添加色素及防腐劑,絕

對天然健康而且比現成的餡料便宜,只是工夫多一點但絕對值

得的!

生菜叉燒腸

天氣熱冇乜胃口食飯阿仔話想食腸粉喎,嘩~咁鬼熱蒸腸粉咪仲

辛苦過煮飯,唉~算啦鬼叫我得佢一粒咩,如果佢話想要天上嘅月

亮我都要想辦法摘俾佢架啦!

日式芝士蛋糕

好多朋友都話芝士蛋糕好難焗得好,唔係開裂就係太濕又或者

沉底有布甸層,其實只要掌握到個原理同埋和自己的焗爐溝通

好,無論麽什焗爐都能把蛋糕焗得好。

個原理好簡單就係芝士蛋糕好脆弱好易就會開裂,開裂的原因

是因為底火太熱沖爆個蛋糕,所以焗嘅時候要用涷水去隔絕個

底火,仲要加啲冰粒落水度,好多朋友問點解要加冰粒呢?因為

剛開始焗蛋糕時係要用高溫將蛋糕表面焗到完全上色,但啲水

又不能熱得太快,因為如果啲水熱得太快個蛋糕都未上完色就

會爆,所以加啲冰粒水就熱得冇咁快了。仲有打蛋白時不要打

得太乾7-8分發便可但也不能太濕,蛋白打得太乾也會引至開

裂的。待蛋糕上完色就可以將溫度調低點一直將蛋糕焗熟為

止。

為什麽蛋糕會太濕一脱模就爛,因為蛋糕未焗熟囉,所以要和自

已嘅焗爐溝通好掌握它的脾氣,例如我之前個“KENWOOD”焗

爐脾氣好剛烈,每次焗麵包或蛋糕都要蓋錫紙,否則就去咗非洲

架喇,但依家用緊嘅“Tefal”焗爐就溫柔好多,連錫紙都慳番好多

呀。所以如果自家焗爐脾氣大就把溫度調低點,如果脾氣溫柔

就要調高點啦!至於蛋糕熟唔熟取出時將它搖一搖如果冇“浪吓

浪吓”就熟,否則將它送回焗爐調高一點溫度再焗至熟為止。


至於為什麼會沉底有布甸層,是因為攪拌過度引至消泡!看完之


後祝各位可以成功做到靚靚日式芝士蛋糕,已做到的朋友可以


略過不看我發噏風!

千島海鮮扭扭批

天氣太熱冇乜胃口食飯所以好多時都係煮吓粉麵或者煲吓粥咁

今日就整pizza,唔知係咪肚餓好快俾阿仔KO咗三份二個!

芋圓仙草涷

討厭的夏天我又要出動消暑武器嚟對付你啦,食完之後真係由

心裏面涼出嚟架!

香蕉戚風蛋糕

天氣熱啲香蕉熟得特別快,買梳香蕉返來食咗兩日仲剩番一隻,

到第三日已經熟到不得了用嚟整蛋糕就最啱啦!