今日用整紅豆包剩低的紅豆餡嚟整燒餅,話咁快就整好但又話
咁快KO晒!
用咗昨日做的紅豆餡嚟整呢個紅豆包,夏天做這些中式包發酵
一陣就得,真係快靚正!
做過唔少豆沙餡、紅豆餡直至遇到呢個才發現以前做的都無法
和它比,真係非常好食,因為冇油所以仲好健康添,而且用途好廣
泛,可以用嚟做麵包、中式包、糯米糍、燒餅等等…
天氣咁涷最好就係炆牛腩啦,今日好早就去街市買咗塊崩沙腩,
崩沙腩即係牛的橫隔膜,筋膜連住少少肉肥瘦啱啱好,入口軟滑
有膠質,一個字“正”!
不需用麵種都可以做到鬆軟馬拉糕,用低溫發酵來做馬拉糕的
靈感係來自低溫發酵麵包,喜歡馬拉糕嘅朋友一定要試,真係好
好食架!
好耐冇整過麵條啦,部壓麵機都差啲發毛咁滯,皆因一個“懶”字
囉。自家做嘅麵條非常爽滑及充滿蛋香,食過之後一定唔會再
想買出邊的麵,而且自家製沒有防腐劑、添加劑食得健康又放
心!
秋天係栗子當造季節,我最喜歡食呢隻桂林錐,今日用烤的方法,
原來係非常好食架,仲好易整添!
如果屋企有長輩生日,如果你又會整壽桃包咁幾好呢!壽桃包唔
算難整但係我覺得彈上顏色嗰Part有啲技巧囉,我都彈到幾“呢
hea”吓,好彩都唔係太失禮係咪呀各位?
最近7仔有“多啦A夢”公仔換,亞仔見到又大唔透咁話 : 媽咪,我
想換呀!同埋想食豆沙包!
有位朋友初一同十五都食素的,有次佢同我講好鍾意食甜酸齋,
但出邊賣啲麵筋好多時會有“噏”味,我就教佢自己整啦保証食得
安心又放心!
有人見我買咗袋薯仔返來就强烈要求整呢個pizza,理由係好耐
好耐冇食過啦,冇問題吖好易整啫!
買咗《5℃冰種的美味》這本書已經有一段時間,只係整過它的
「冷藏液種」,今日終於試埋它的「冷藏老麵種」,個人認為呢
兩種低溫長時間發酵的麵種做出來的麵包都非常軟熟同有彈性
一個字“正”呀!
桂花糕就食得多但玫瑰花糕你又食過未?桂花香味濃郁玫瑰花
香味優雅,兩種花香都係我非常鍾意的!
好耐冇整麵包要練習吓啦否則好易生疏架,今日整咗呢個既簡
單又好食的黑糖提子包,話咁快就發到盆滿砵滿,所以夏天係最
適宜做麵包的!
為咗整呢個奶黃月餅專登去買個50g模返來,我都係第一次整呢
個月餅配方當然係用葉師傅的,雖然係第一次整但之前有做過
廣式月餅底子,所以對我嚟講冇乜難度最緊要睇火就得!
